Түркия менен Сириядагы жер титирөө: Набыт болгондордун саны 12 миңден ашты

Түркия менен Сириядагы катуу жер титирөөдөн каза болгондордун саны улам өсүүдө. Би-Би-Синин акыркы маалыматтары боюнча, апаат 12 миңден ашуун адамдын өмүрүн алган. Мындан сырткары, он миңдеген адамдар жабыркаган.

Уранды астында жабыркагандар дагы деле көп, суук аба ырайы аларды тирүү алып чыгууга мүмкүнчүлүгүн улам азайтууда.
Президент Режеп Тайып Эрдоган кечээ, 8-февралда жабыркаган аймактарды кыдырып, жер титирөөнүн алгачкы күндөрүндө жабыр тарткандарга жетиштүү түрдө ыкчам жардам көрсөтүлбөгөнүн мойнуна алды. Анын айтымында, учурда кырдаал көзөмөлдө.

Түркияда 1939-жылдан берки күчү 7,8 баллга жеткен биринчи жер титирөө 6-февралда жергиликтүү убакыт боюнча саат 04:17де болуп, булагы республиканын түштүк-чыгышындагы Газиантепке жакын жерде 17,9 километр тереңдикте болгон. Андан кийин 40тан ашык жер титирөө болгон. Андан кийин жергиликтүү убакыт боюнча саат 13:30 чамасында күчү 7,5 баллга жеткен экинчи жер титирөө болду. Анын очогу Түркиянын түштүк-чыгышындагы Кахраманмараш аймагындагы Элбистан аймагында орун алган.

фото www