Симонян теракт учурунда адамдарды сактап калган 15 жаштагы Исламга ноутбук жана Анапага жолдомо берет
“Өлкө өз баатырларын баалашы керек”
«Россия сегодня» медиа тобунун жана RT телеканалынын башкы редактору Маргарита Симонян 15 жаштагы Ислам Халиловго жана Крокус Сити Холлдогу теракт маалында адамдарды куткарып калган алты өспүрүмгө ноутбук, мөмө-жемиш себеттерин жана кара деңиздин жээгиндеги байыркы Горгиппия шаарына экскурсия менен Анапага жолдомо берет.
"Өлкө өз баатырларын баалашы керек" деп жазган ал.
Эске сала кетсек, ата-энеси кыргызстандык 15 жаштагы Ислам Халилов теракт жана андан кийинки өрт учурунда концерттик залдын коридорлорунун биринде камалып калган жүзгө жакын адамды куткарып калган. Бала ошол жерде гардеробчу болуп иштеген.
Моргенштерн мектеп окуучусу Ислам Халиловдун үй-бүлөсүнө миллион рубль берди. Ошондой эле Россиянын муфтийи Равиль Гайнутдин өспүрүмгө Россиянын мусулмандарынын “Татыктуу эмгеги үчүн” медалын тапшырары белгилүү болду.
22-март күнү кечинде Москва районундагы Crocus City Hall концерттик залында террористтер атыш башташкан. Бул убакта ал жерден «Пикник» тобунун концерти башталышы керек эле. Кол салгандар адамдардын сыртка чыгышына жол бербөө үчүн аларды автоматтар менен атып, чыгуучу жерлерди өрттөшкөн.
Теракттын кесепетинен акыркы маалыматтар боюнча 139 адам, анын ичинде үч бала каза болуп, 180ден ашууну жарадар болгон.
ФСБнын маалыматы боюнча, 11 шектүү, анын ичинде терактка түздөн-түз тиешеси бар төрт адам кармалган.
Сүрөт: www