Тышкы иштер министрлиги кыргызстандыктарга Жакынкы Чыгышка баруудан баш тартууну сунуштады
Ал эми ошол жерде жүргөн жарандар коопсуздук чараларын көрүүгө чакырышат
Кыргыз Республикасынын Тышкы иштер министрлиги Жакынкы Чыгыштагы курч кырдаалга байланыштуу Кыргызстандын жарандарына Израилге, Иранга, Сирияга, Иракка, Ливанга жана Палестина аймактарына баруудан баш тартууну сунуштайт.
«Ошол эле учурда жогоруда аталган өлкөлөрдө жүргөн жарандар кырдаал турукташканга чейин коопсуздук чараларын күчөтүшү керек», — деп айтылат Тышкы иштер министрлигинин билдирүүсүндө.
Бөлүм элчиликтердин шашылыш телефон номерлерин эскерте кетти, алар аркылуу аймакта жүргөн Кыргызстандын жарандары зарыл болгон учурда жардам же кеңеш ала алышат:
1. Кыргыз Республикасынын Түркия Республикасындагы Элчилиги: +905456896800;
2. Кыргыз Республикасынын Сауд Арабия Королдугундагы Элчилиги: +966583769945;
3. Кыргыз Республикасынын Иран Ислам Республикасындагы Элчилиги: +989352505226;
4. Кыргыз Республикасынын Кувейт Мамлекетиндеги Элчилиги: +96525359951.
Сүрөт: www