БУУнун эксперттери: "Ачарчылык Газа тилкесин толугу менен каптады"

Газа тилкесинде балдар ачарчылыктан өлүүдө. Бул тууралуу чет элдик басылмалар жазышууда.
"Газа тилкесинде жакында бир нече палестиналык балдар ачарчылыктан өлөт", - деп белгилешти БУУнун көз карандысыз эксперттери.

Эксперттер өз билдирүүсүндө төмөнкүлөрдү билдирди:

- 30-майда 6 айлык Файез Атая каза болгон;
- 1-июнда 13 жаштагы Абдулкадер Аль-Серхи Дейр эль-Бахлдагы Аль-Акса ооруканасында каза болду;
- 3-июнда 9 жаштагы Ахмад Абу Рейда Хан Юнистте көчүрүлгөн үй-бүлөсү баш калкалаган чатырда каза болгон.
"Үч бала тең ачарчылыктан жана тийиштүү медициналык жардамдын жетишсиздигинен каза болушкан", -деп белгилешти эксперттер.

БУУнун Адам укуктары боюнча Жогорку комиссарлыгынын кеңсеси Израилди Газадагы жарандардын коопсуздугун камсыз кылуу үчүн колдон келгендин баарын кылууга чакырды.