Дүйнө чемпионатында самбочулар дагы эки коло медаль утту
Буга чейин самбочулар мелдеште 3 коло медаль жеңген
Казакстандын Астана шаарында өткөн самбо боюнча дүйнө чемпионатынын экинчи күнүнүн жыйынтыгы менен кыргызстандык самбочулар эки коло медаль утту.
Дене тарбия жана спорт департаментинен билдиришкендей, мелдеште эркектер арасында күжүрмөн самбо боюнча Курманбек Замирбек уулу 71 кг чейинки салмак категориясында 3-орунду ээледи.
Ал эми пара самбо боюнча 79 кг чейинки салмакта Сүймөнкул Молдобеков коло медалга ээ болду.
Самбо боюнча дүйнө чемпионаты кечээ жыйынтыкталды.
Курама команда башкы машыктыруучу Азамат Казакбаев жана машыктыруучу Ильгиз Каналбек уулунун жетекчилиги алдында мелдешке катышты.
Буга чеймн самбочулар мелдеште 3 коло медаль жеңген.
Бизди Телеграм каналыбыздан окуңуз