Хабиб Нурмагомедов менен Конор Макгрегор октагондо жолукмай болушту
Беттеш 2025-жылдын 25-январында Дубайда (БАЭ) өтөт
Легендарлуу мурдагы UFC мушкерлери Хабиб Нурмагомедов менен Конор Макгрегор Дубайда өтө турган турнирде октагондо жолугат. Бул тууралуу чет элдик спорттук басылмалар жазып чыгышты.
Эки мурдагы мушкер Усман Нурмагомедов менен ирландиялык Пол Хьюздун беттешинде жолугушат. Анда Нурмагомедов менен Хьюз Bellator уюмунун жеңил салмактагы чемпиондук куру үчүн беттешет.
Беттеш 2025-жылдын 25-январында Дубайда (БАЭ) өтөт. Анда Хабиб Нурмагомедов аталаш тууганы Усман Нурмагомедовго секундант болсо, Конор Макгрегор жердешин колдоп чыгат.
Эске салсак, 2018-жылы Хабиб менен Конор UFC тарыхындагы эң резонанстуу беттештердин биринде мушташкан, анда орусиялык мушкер атаандашын беттешин төртүнчү бөлүгүндө муунтуу ыкмасы менен жеңип алган.