Якутиялык спортчу Сардана Трофимова Кыргызстандын курама командасына кошулду

Спортчу, марафон боюнча Орусиянын беш жолку чемпиону Сардана Трофимова Кыргызстандын курама командасына кошулду. Спорттук жарандыкты өзгөртүү Бүткүл россиялык жеңил атлетика федерациясынын (ВФЛА) президиуму тарабынан бекитилди.

«Президиум өзүнүн акыркы жыйынында Сардана Трофимованы Кыргызстандын курама командасына өткөрүүгө макулдук берди», - деди уюмдун президентинин м.а Ирина Привалова. «Ал 2024-жылы Парижде өтө турган Олимпиада оюндарында Кыргызстандын курама командасынын курамында ойноо үчүн Эл аралык жеңил атлетика федерацияларынын ассоциациясынан (Дүйнөлүк атлетика) мелдештерге катышууга, ошондой эле Эл аралык Олимпиада комитетинен уруксат алышы керек».

Спортчунун машыктыруучусу, дүйнөнүн үч жолку чемпиону, ультрамарафон боюнча (100 чакырым) Европанын эки жолку чемпиону Татьяна Жиркованын айтымында, Кыргызстандын курама командасына жазылуу Сардана Трофимованын эл аралык мелдештерге чыгуусуна шарт түзөт.

«Мен аны үйрөтүүнү улантам. Кыргызстандын курама командасына кирүү менен ал эл аралык марафондорго катышуу укугуна ээ болот. Кыргызстан расмий мелдештерге катышууга уруксат алуу үчүн Дүйнөлүк атлетикага кат жөнөтүшү керек», - деди ал.

Эске салсак, июль айынын башында Сардана Трофимова Кыргызстандын жарандыгын алганын жана Кыргыз Республикасынын атынан эл аралык мелдештерге катышууну пландап жатканын билдирген.

Сүрөт www