Жаңы жол жана көпүрө: Эне-Сай конушунда иштер бүткөрүлүүдө
Свердлов райондук администрациясынын башчысы Максатбек Саргазаков жол жана көпүрөнүн курулушунун жүрүшү менен таанышты
Учурда Гидростроительная көчөсүн бойлой Эне-Сай конушунда Курманжан Датка көчөсүнөн Аул көчөсүнө чейин Аламүдүн дарыясына көпүрө куруу менен «Бишкек жол тармагын өнүктүрүү» долбоорунун алкагында реконструкциялоо иштери аяктап жатат (фаза- 2) Кытай Эл Республикасынын грантынын эсебинен.
Свердлов райондук администрациясынын башчысы Максатбек Саргазаков транспорт жана жол - транспорт инфратүзүмдү өнүктүрүү Департаментинин өкүлдөрү менен биргеликте Гидростроительная көчөсүндөгү жол жана көпүрөнүн курулушунун жүрүшү менен таанышты.
Көпүрөнүн узундугу 31 метр, туурасы 14,4 метрди түзөт. Жолдун жалпы аралыгы 1,1 км, туурасы 8 метрди түзөт. Эки тарабы туурасы 2,25 метр тротуар менен жабдылган.
Айта кетсек, бул жолдун артыкчылыгы Дордой базарын көздөй бараткан унаа агымын төмөндөтөт. Бул жол эки конушту бириктирет: Дордой менен Эне-Сай.
Бишкек мэриясы