Орусияда артында Кыргызстандын жарандары бар жүк ташуучу унаа кармалды
Унаанын ичинде 10 чоң адам жана 15 бала болгон
Түштүк Уралда (РФ) МАИ кызматкерлери Кыргызстандын жарандарын ташыган жүк ташуучу унааны токтотушкан. Бул тууралуу Орусиянын Жол кайгуул кызматы билдирди.
Полициянын маалыматы боюнча, унаада 10 чоң киши жана 15 бала болгон. Жүргүнчүлөр Кыргызстандан Челябинск шаарына бара жатканы аныкталган.
Унаа Челябинск-Троицк унаа жолунун 132-чакырымында токтотулган. Жүргүнчүлөрдү ташуу эрежесин бузган унаанын айдоочусуна карата эки административдик укук бузуунун материалы козголду.
Жүк ташуучу унаа текшерүүдөн өткөндөн кийин эл Троицкий автобекетине жеткирилип, жүргүнчүлөрдү ташуучу унааларга өткөрүлдү.
сүрөт www
Бизди Телеграм каналыбыздан окуңуз