Бишкектин вице-мэри Асанбай сейил багын модернизациялоо боюнча: Жакынкы үйлөрдүн жашоочуларына карусельдер бекер болот
Бишкектин жашоочулары мэрия сейил бакты бузуп, көп кабаттуу үйлөрдү тургузалы деп кооптонууда
Бишкек шаарынын муниципалдык менчик жана жер пайдалануу боюнча вице-мэри Нурдан Орунтаев ушул эле аталыштагы паркты модернизациялоо боюнча Асанбай кичи районунун тургундары менен жолугушту. Бул тууралуу борбор калаанын мэриясынан билдиришти.
Аткаминер менен болгон жолугушууда бишкектиктер паркты модернизациялоого каршы пикирлерин айтышып, андагы бак-дарактар кыйылып, жаңы көп кабаттуу үйлөр курулат деп кооптонушту. Анын үстүнө коомдук угуулар болгон жок.
Вице-мэр тескерисинче ишендирди: сейил бак шаардыктардын эс алуусу үчүн модернизацияланат, ал эми жакынкы үйлөрдүн жашоочулары жылына кеминде 10 күн майрам күндөрү каруселде эртеден кечке бекер жүрө алышат.
Ал ошондой эле сынактык тандоо аркылуу аймакты жакшыртууну колго алууга даяр бир нече инвесторлор табылганын билдирди. Орунтаев макул болбогондорго мамлекеттик-жеке өнөктөштүк борборуна кайрылууну кеңеш кылды.
Тактап айтканда, буга чейин Бишкек мэриясы паркта иштеген ижарачылар менен ижара келишимин узарткан эмес. Буга Президентке караштуу Улуттук инвестициялык агенттиктин “Асанбай паркын модернизациялоо” мамлекеттик-жеке өнөктөштүк долбоорунун жеке демилгеси боюнча сунушту жактыруу тууралуу” буйругу чыккан. Агенттик инвестор тартып, аймакты жакшыртууну көздөп жатат.
Сүрөт www