Бишкекте 4 миң үй дебитордук карыз үчүн электр жарыгынан өчүрүлөт
Энергетиктер тургундардан төлөмдөрдү өз убагында төлөөнү суранышат
1-сентябрдан тарта электр энергиясын көзөмөлдөө жана эсепке алуунун автоматташтырылган системасы Бишкектин 4 миң абонентин дистанциялык түрдө электр жарыгынан өчүрөт. Бул тууралуу “Чүй электр тармактары” ишканасынан билдиришти.
Буга абоненттердин дебитордук карызынын көбөйүшү себеп (жалпы карыз 7 млн сом).
Энергетиктер электр энергияга болгон төлөмдөрдү өз убагында төлөөнү суранууда.
Шаардыктардын ынгайлуулугу үчүн Чүй электр тармактар ишканасынын сайтында «Абоненттик баланс» бөлүмү ачылып, анын жардамы менен кызыкдар болгондор канча карыз экенин көрө алышат.
Кошумчалай кетсек, маалыматты күнү-түнү иштеген 1209 телефону же WhatsApp (0551) 001-209 телефону аркылуу алса болот.
сүрөт www