Бишкекте Аракечил долбоорунун жыйынтыгы боюнча форум-көргөзмө өттү
Бишкекте форум-көргөзмө өтүп, анда Аракечил долбоорунун акыркы жыйынтыгы чыгарылды. Жаштарды иш менен камсыз кылуу боюнча коомчулукту колдоо программасы долбоору Кыргызстандын тоолуу коомдорун өнүктүрүүнү колдоо программасынын (MSDSP KG) алкагында Ага Хан Фонду тарабынан Дүйнөлүк банк менен өнөктөштүктө Япония өкмөтүнүн каржылык колдоосу менен ишке ашырылууда.
Аракечил долбоору Жалал-Абад, Ош жана Баткен облустарындагы 41 максаттуу жамааттардагы 18-34 жаштагы аялдар жана эркектер үчүн экономикалык ишмердүүлүк үчүн инновациялык чечимдерди колдоого жана ишке орноштурууга көмөк көрсөтүүгө багытталган. Долбоор 2019-жылдын апрель айында башталып, кесипке ээ болууга жана 4000 адамды иш менен камсыз кылууга көмөктөшүүнү пландоодо.
Бүгүнкү күндө долбоордун аркасында Кыргызстандын түштүк аймактарынан келген миңдеген жаштар тигүүчү, электрик, автослесарь, агроном, официант, ветеринардык дарыгер, электр жана газ менен ширетүүчү, сантехник, чач тарач, компьютерди оңдоочу, ашпозчу жана гид. Долбоор ошондой эле кичи гранттар аркылуу долбоордун катышуучуларына ишкердик билим берүүнү жана бизнести өнүктүрүүнү колдоону камсыз кылат.
«Биздин долбоорду ишке ашыруу аркылуу биз рынок үчүн уникалдуу болгон жаңы, кызыктуу продукцияларды жараттык. Бул биздин өзгөчөлүгүбүз. Ошондой эле, мамлекеттик органдар менен биргеликте кесиптик окуу жайлардын базасында окуу курстарын уюштуруп, аларды эмгек рыногуна ыңгайлаштыра алдык”, - дейт Жаштарды иш менен камсыз кылуу коомчулукту колдоо программасынын координатору Эмилия Саалиева.
Эл аралык уюмдардын, ири компаниялардын жана мамлекеттик органдардын өкүлдөрүн чогулткан иш-чаранын жүрүшүндө жаш ишкерлер өз продукцияларын көргөзмө форматында тартуулашты. Бул жерден ар кандай тамак-аш азыктарын, сувенирлерди жана ал тургай органикалык күрүч косметикасын көрө аласыз.
«Биздин ишкана жергиликтүү дыйкандардан мөмө-жемиштерди сатып алып, Казакстанга экспорттойт. Аракечил долбоорунун алкагында эки айлык курстан өттүм. Көп нерсени үйрөндүм. Мындай тренингдер жаш ишкерлер үчүн абдан пайдалуу. Азыр 40 кызды туруктуу жумуш менен камсыз кылам. Мен бул жумуш орундарын долбоордун аркасында түздүм», - дейт долбоордун катышуучусу Динара Карабекова.
Аракечил долбоорунун алкагында жалпы кызыкчылыктардын 30 тобу түзүлүп, алар технологиялык жабдуулар менен жабдылганын кошумчалай кетели. Техникалык жана кесиптик билим берүү боюнча 24 окуу борбору 120 компьютер алды. Ишканаларды өнүктүрүүгө 64 субгрант берилген.
сүрөт www