Билим берүү министрлиги лицензия берүүнүн тартибин өзгөрттү
Жаңы жобо азыр күчүнө кирди
Кыргызстанда билим берүү ишмердүүлүгүн лицензиялоо тартиби өзгөрдү. Бул тууралуу Билим берүү жана илим министрлигинин басма сөз кызматы билдирди.
Кыргыз Республикасында билим берүү ишин лицензиялоонун тартиби жөнүндө убактылуу жобого өзгөртүүлөрдү бекиткен министрлер кабинетинин тиешелүү токтому күчүнө кирди.
Эми лицензия алуу үчүн арыз берүүчүнүн профессордук-окутуучулук курамга эмгек келишимин түзүүгө жазуу жүзүндөгү макулдугу болушу керек. Бул өзгөртүү арыз ээсин лицензия алганга чейин жалдоо же толук эмес кызматкерлерди алуу зарылдыгынан бошотот.
Мындан тышкары, лицензияда билим берүү ишинин иш жүзүндөгү дареги көрсөтүлөт. Иш жүзүндө дареги өзгөргөн учурда билим берүү уюму министрликке билдирүү жөнөтүүгө милдеттүү.
Ошондой эле лицензия бланкынан студенттердин максималдуу контингенти боюнча графа алынып салынган. Бул билим берүү уюмуна эмгек рыногунун муктаждыктарына жараша кадрларды тандоого мүмкүндүк берет. Лицензияны узартуу чечими министрликтин буйругу менен кабыл алынат. Бул лицензияны жаңыртуу процессин тездетет.
Сүрөт www