Menu
RSS

Биз социалдык тармактардабыз:

TwitterFacebookYoutubeInstagramTelegram

Акыйкатчынын көмөгү менен жашы жете элек кызды зордуктоо боюнча кылмыш иши көзөмөлгө алынды

Акыйкатчыга жабыркаган кыздын атасы жардам сурап кайрылган

Бишкек шаарынын ички иштер башкы башкармалыгында Кыргыз Республикасынын Акыйкатчысы (Омбудсмен) Атыр Абдрахматованын көмөгү менен жашы жете элек кызды зордуктоо боюнча кылмыш иши көзөмөлгө алынды.

2022-жылдын август айында акыйкатчыга баш калаадагы жаңы конуштардын биринин 43 жаштагы жашоочусу арыз менен кайрылып, 2020-жылдын май айында анын Панфилов жана Лев Толстой көчөлөрүнүн кесилишиндеги үйүндө 16 жаштагы кызын Бекжан аттуу жаран күч колдонуп зордуктаганын маалымдаган. Кыздын ата-энеси зордуктоо жөнүндө эки жылдан кийин гана билишкен. Кайрылган жаран акыйкатчыдан көмөк сураган, ошондой эле ички иштер органдарына арыз жазган.

Арыз Бишкек шаарынын Биринчи май райондук ички иштер башкармалыгына катталган, бирок текшерүүнүн жыйынтыгы менен тергөөчү кылмыш курамынын жоктугуна байланыштуу деп кылмыш ишин козгоодон баш тарткан. Андан кийин райондук прокуратура тергөөчүнүн токтомун жокко чыгарып, ишти Биринчи май райондук ики иштер башкармалыгынын башка бир тергөөчүсүнө жөнөткөн. Ал КРнын Кылмыш кодексинин 154-беренеси “зордуктоо”боюнча кылмыш ишин козгогон, бирок аны кийин токтотуп койгон.

Акыйкатчынын кийлигишүүсү менен райондук прокуратура тергөөчүнүн кылмыш ишин токтотуу жөнүндөгү токтомун жокко чыгарып жана ишти иликтөөнү Бишкек шаардык ички иштер башкармалыгына жөнөттү.

Акыйкатчы Атыр Абдрахматова жеке өзү жана Акыйкатчы институнун балдар, аялдар жана үй-бүлө укуктарын коргоо боюнча бөлүмүнүн кызматкерлери аталган ишти дайыма көңүл борборунда кармап турушту.

Азыркы учурда жашы жете кызды зордуктоо боюнча кылмыш иши Бишкек шаардык ички иштер башкармалыгынын Тергөө кызматынын көзөмөлүнө алынды.

Фото www

Бизди Телеграм каналыбыздан окуңуз
Ой-пикир кошуңуз


Наверх