Кыргыз элечеги ЮНЕСКОнун материалдык эмес маданий мурастар тизмесине киргизилди
Мындай чечим Ботсванада өтүп жаткан ЮНЕСКОнун өкмөттөр аралык комитетинин сессиясында кабыл алынды
Аялдарга тиешелүү кыргыздын улуттук баш кийими элечек ЮНЕСКОнун материалдык эмес маданий мурастарынын репрезентативдик тизмесине киргизилди Бул тууралуу Бириккен Улуттар Уюмунун Билим берүү, илим жана маданият боюнча (ЮНЕСКО) алдындагы Кыргыз Республикасынын Туруктуу өкүлү Садык Шер-Нияз билдирди.
Мындай чечим 4-декабрдан 9-декабрга чейин Ботсвананын Касане шаарында өтүп жаткан ЮНЕСКОнун Материалдык эмес маданий мурастарды коргоо боюнча өкмөттөр аралык комитетинин 18-сессиясында бир добуштан кабыл алынды.
Фото www
Бизди Телеграм каналыбыздан окуңуз