Бишкек мэриясы 125 миллион сомго кар тазалоочу техникаларды сатып алат
Калаа башчысы карды тазалоодо кемчиликтер болгонун мойнуна алды
Бишкек мэриясы 125 миллион сомго кар тазалоочу техникаларды сатып алууну пландап жатат. Бул тууралуу мэр Айбек Жунушалиев Жогорку Кеңештин жыйынында билдирди.
Анын айтымында, борбор калаада бүгүнкү күндө кыш мезгилинде колдонулуучу 39 техника бар.
Калаа башчысы карды тазалоодо кемчиликтер болгонун мойнуна алды.
- Кар жаары менен техника түнкүсүн да иштей баштады. Бирок кар тынымсыз жаап, биз жетише алган жокпуз. Биз кар тазалоочу техникаларды сатып алууга 125 миллион сом бөлдүк. Мэрдин резервдик фондунан техниканы жайында да, кышында да колдонуу үчүн бастырма жабдыктарын сатып алабыз, — деди Айбек Жунушалиев.
Фото www
Бизди Телеграм каналыбыздан окуңуз