АКШ менен Улуу Британия Йеменде аскердик операция баштады

Америка Кошмо Штаттары жана Улуу Британия Йемендин түндүгүндө башкаруучу Ансар Аллах кыймылынын (хусийлердин) объектилерине каршы аскердик операция баштады, деп билдирди Al Arabiya телеканалы.
Ходейд, Таис, Сана жана Саада шаарларына абадан жана ракетадан сокку урулду. Пентагондун маалыматына караганда, АКШ жана Улуу Британия Австралия, Канада, Нидерланды жана Бахрейндин колдоосу менен учкучсуз учактарды өндүрүү борборлорун жана курал кампаларына сокку урду.

Сокку учурунда Вашингтон согуштук учактарды жана "Томагавк" ракеталарын колдонгон.
Буга чейин 10-январда Кызыл деңизде йемендик хуситтер Израилди колдогон америкалык кемеге ракета жана учкучсуз учак менен кол салганы кабарланган. Белгиленгендей, окуя Йемендин Ходейда жана Моха порт шаарларына жакын жерде болгон.

Буга жооп иретинде АКШ жана анын союздаштары деңизди коргоо боюнча эл аралык деңиз операциясын баштаганын жарыялашты.
Хусилердин лидери Абдул Малик аль-Хуси буга чейин АКШ тарабынан чабуул жасалса, топ жооп кайтарарын билдирген. «Американын ар кандай чабуулу жоопсуз калбайт. Жооп жыйырмадан чоңураак пилотсуз учактар жана ракеталарды учуруу аркылуу болот», - деген ал.

Фото www