Аламүдүн коктусунда жоголгон жаранды издөө улантылууда
Бүгүн издөө иштерине 273 адам чыкты
Бүгүн, 22-январда Аламүдүн коктусунда дайынсыз жоголгон жаранды издөө иштери улантылууда. Бул тууралуу Өзгөчө кырдаалдар министрлигинен билдиришти.
Маалыматка ылайык, издөө иштерине жалпы 273 адам чыкса, анын 163ү ӨКМдин куткаруучулары. Алар 5 дрон, 10 техникасы менен капчыгайда издөө ишин башташты. Ал эми ИИМдин 110 кызматкери 1 дрон, 4 техникасы менен чыгышты. Жалпы 14 техника тартылды.
Эске салсак, 1996-жылы туулган Маматалы уулу Мухамедаалы 14- январь күнү үйүнөн чыгып кеткен боюнча дайынсыз болууда. Ал акыркы жолу 14-январга караган түнү, саат 02:00дө байланышка чыкканАламүдүн капчыгайында "Жаннат Резорт" мейманканасындагы камерасына тоо жакты көздөй бара жатканы түшүп калганы аныкталган.
Аталган жаранды издөө иши өзгөчө кырдаалдар министри Бообек Ажикеевдин жеке көзөмөлүндө жүрүүдө.
Фото www