Кыргызстанда маркумдун сөөгүн өрттөөгө расмий уруксат берилди
Эми өлкөдө крематорийлер салынат
Кыргызстанда маркумдун сөөгүн өрттөөгө расмий уруксат берилди. Бул тууралуу жакында кабыл алынган "Маркумду узатуу жана сөөгүн жайга коюу иши жөнүндө" мыйзамдын демилгечиси, ЖК депутаты Марлен Маматалиев журналисттерге билдирди.
Анын айтымында, жаңы мыйзамда крематорийлерди куруу каралган. Алар шаарларда мамлекеттин эсебинен курулат.
«Крематорийлер маркумдун сөөгүн гана эмес, оорулардан жапа чегип өлгөн малдын сөөгүн өрттөш үчүн да иштетилет», - деп белгиледи эл өкүлү.
Ал ошондой эле крематорийлердин ишин мамлекеттик органдар көзөмөлдөй турганын кошумчалады.
Фото WWW
Бизди Телеграм каналыбыздан окуңуз