Бишкектин жаш тургуну 35 миң доллар алдамчылык менен кармалды
Ал издөөдө болчу
Бишкекте ири өлчөмдөгү алдамчылыкка шектелип 24 жаштагы жигит кармалды.
Борбор калаанын Биринчи май райондук ички иштер бөлүмүнөн билдиришкендей, 2023-жылдын 30-июлунда милицияга жаран арыз менен кайрылып, өткөн жылдын май айында уюлдук телефонду сатып алуу-сатуу шылтоосу менен ишенимине кирип, М. жараны 35 миң долларды ээлеп, андан соң убадасын аткарбай, акчасын уурдап, белгисиз тарапка изин жашырып кеткен.
Алдамчылык фактысы боюнча кылмыш иши козголгон. Шектүү издөөдө жүргөндөрдүн тизмесине киргизилген.
Жакында эле Бишкек шаарынан 24 жаштагы Т.М. жараны кармалып убактылуу кармоочу жайга киргизилген. Анын ушул сыяктуу кылмыштарды жасоого тиешеси бар экени аныкталууда.
Милиция башка жабырлануучуларды +996 709 62 63 56 жана 102 телефондоруна билдирүүнү өтүнөт.
Сүрөт ИИБнын басма сөз кызматы