Равшан Жээнбековдун «Эдельвейс тур» эс алуу аймагы мамлекетке кайтарылды
Имараттары бар жер тилкесинин баасы 16,8 млн сомду түзөт
Саясатчы Равшан Жеенбековго таандык 4 гектар жер тилкеси мамлекетке кайтарылганын УКМК билдирди.
«Тергөөгө чейинки текшерүүнүн алкагында тергөө-ыкчам иш-чаралары жүргүзүлүп, жыйынтыгында Талас шаарындагы Киров суу сактагычынын жээгинде жайгашкан жалпы аянты 4 гектарды түзгөн «Эдельвейс тур» эс алуу аймагы областька, ыктыярдуу негизде мамлекетке кайтарылган. Баалоо экспертизасынын корутундусуна ылайык, жеңил конструкциядагы административдик имараттары бар жер тилкесинин баасы 16 миллион 871 миң сомду түздү», — деп айтылат маалыматта.
Аталган жер тилкеси 2000-жылдары КР Мамлекеттик мүлктү башкаруу фондунун жетекчиси болуп турган Равшан Жеенбековго тиешелүү адамдарга мыйзамсыз берилгени аныкталган.
Сүрөт УКМКнын басма сөз кызматы