Кыргызстанда SIM-карталарды каттоонун жаңы эрежелери киргизилүүдө

Кыргызстанда 26-марттан тарта бардык байланыш операторлорунун абоненттерин каттоонун жаңы эрежелери күчүнө кирет. 2023-жылдын 25-сентябрында жаңы «Көчмө радиотелефон байланыш кызматтарын көрсөтүүнүн эрежелери» бекитилген.

Жаңы эрежелерге ылайык, SIM-картаны сатып алууда абонент мобилдик оператордун тиркемесинде катталышы керек. Процедураны аяктоо үчүн сизге идентификациялык документ керек болот. Андан кийин, сиз оператордун колдонмосундагы нускамаларды этап-этабы менен аткарышыңыз керек:

- SIM-картаны активдештирүүдө абонент оператордун мобилдик тиркемесин жүктөө шилтемеси менен SMS алат;
- тиркемени жүктөп алуу менен абонент өзүнүн жанында инсандыгын тастыктаган документи менен номурду өз алдынча каттай алат
- Тиркеме аркылуу абоненттик номерди жекелештирүү үчүн сизде төмөнкүлөр болушу керек: SIM-карта, инсандыгын тастыктаган документ жана абоненттин өзүнүн болушу;
- Абоненттик каттоодо документтин эки жагын сүрөткө, беттин сүрөтүнө (селфи) түшүшү керек;
- Ийгиликтүү каттоодон өткөндөн кийин абонент байланыш кызматына толук мүмкүнчүлүк алат.

Белгиленгендей, 2024-жылдын 1-апрелинен тартып сатып алынган SIM-картаны каттоодон өткөрбөсө, абонент чектелген кызматтарга гана ээ болот. Абонент онлайн каттоодон өткөндөн кийин кызматтарга толук мүмкүнчүлүк алат.

Сүрөт: www