Чет өлкөдө издөөдө жүргөн кыргызстандыктар кармалды
Экөө тең Кыргызстанга алынып келинди
Оор кылмышка шектелип издөөдө жүргөн кыргызстандыктар чет өлкөдөн кармалганын Ош облустук ички иштер башкармалыгынын басма сөз кызматы билдирди.
Башкармалыктын маалыматы боюнча, 2015-жылдан бери опузалоо кылгандыгы үчүн издөөдө жүргөн Баткен районунун 1983-жылы туулган тургуну Б.С. Орусиядан кармалган.
Ден соолукка оор залал келтирген деген шек менен 2021-жылдан бери издөөдө жүргөн Ноокат районунун 1992-жылы туулган Н.Б. Казакстандан кармалган.
Кармалгандар Кыргызстанга алынып келинип, тергөө иштери уланууда.
Сүрөт ИИБнын басма сөз кызматы
Бизди Телеграм каналыбыздан окуңуз