Абдрахманов көчөсүндөгү веложол сырдалды
Пилоттук долбоордун алкагында үч түрдүү каптоо колдонулган
Бишкектин Абдрахманов көчөсүндө Киев көчөсүнөн Москва көчөсүнө чейин велосипед жолу сырдалды.
Иш Бишкек шаарынын мэриясы менен «Central Asia International Development Company» ЖЧКсынын кызматташуусунун алкагында жүргүзүлдү.
Жол үч түскө боёлгон. Мэриянын айтымында, ар бир жабуунун техникалык көрсөткүчтөрү ар башка жана алардын баасы да ар башка:
- кварц күмү менен аралашкан жашыл полимердик боёк;
- керамикалык гранула менен капталган үстүнкү катмары бар полиуретан сары суюк клей;
- кошумчалары жок полиуретан кызгылт сары боек.
«Бул пилоттук долбоор Бишкек шаарынын климаттык шарттарына ылайыктуу болсо, борборду көрктөндүрүү үчүн бул технологияны колдонуу боюнча белгиленген тартипте каралаарын белгилейбиз», - деп кошумчалады мэрия.
Сүрөт мэриянын басма сөз кызматынан