Викрам Рузахуновдун иши. Алматыда кыйноо боюнча төрт полиция кызматкери кармалды
Иш Казакстан Республикасынын Башкы прокуратурасына өткөрүлүп берилди
Кыргызстандык музыкант Викрам Рузахуновко карата 2022-жылдын январь айында Казакстанда болгон кыйноолор боюнча козголгон кылмыш иши Казакстан Республикасынын Башкы прокуратурасына өткөрүлүп берилди. Бул тууралуу музыкант Instagram баракчасына жарыялады.
Анын айтымында, полицияга шектүү азырынча төрт адам да кармалды.
«Учурда мурда аныкталган полиция кызматкерлеринен төртөө кармалып, убактылуу кармоочу жайга киргизилди. Алардын бири кыйноо жана зомбулук фактысын мойнуна алды», — деп жазды Рузахунов.
Музыкант кыйноо боюнча 22 жабырлануучу бар экенин белгиледи.
«Башкы прокуратура бул ишти логикалык аягына чыгарат деп ишендирди жана формачан биринчи төрт кылмышкердин кармалышы бул башталышы гана», - деп жазды ал.
Кыргызстандык ошондой эле Казакстандын Жогорку соту анын кыйноо жана жалган маалымат тараткандыгы үчүн кечирим суроо талабы боюнча Ички иштер министрлигине каршы доо арызы боюнча жарандык ишти карап жатканын кошумчалады.
Эске сала кетсек, 2022-жылдын январында Казакстанда суюлтулган газдын кымбатташына байланыштуу массалык нааразылык акциялары өткөн.
Бир нече күндөн кийин социалдык тармактарда жана массалык маалымат каражаттарында бир адам Казакстанга Алматыдагы митингге катышуу үчүн келгенин айткан видео тараган. Бул үчүн алар ага 200 доллар төлөп берүүнү убада кылышкан имиш. Ал киши бишкектик джазмен Викрам Рузахунов экени аныкталган. Кийинчерээк Кыргызстандагы активисттердин жана журналисттердин талабы менен ал бошотулуп, мекенине жеткирилген.
Викрам Рузахуновдун жана дагы бир кыргызстандык Чолпонбек Сыдыковдун кармалышы жана аларга карата катаал мамилеси боюнча кылмыш иши козголгон.
Сүрөт: www