Кыргызстанда 2024-жылга жаңы үлгүдөгү паспорт киргизилди
Ошол эле учурда эски үлгүдөгү паспорттор бланкалар бүткүчө берилет
Кыргызстанда 2024-жылкы үлгүдөгү Кыргыз Республикасынын жаранынын паспорту (ID-card) жана 2023-жылкы үлгүдөгү жалпы жарандык паспорт киргизилди. Бул тууралуу Toktom.kg сайтындагы токтомдо айтылат.
Министрлер Кабинетинин 2024-жылдын 12-апрелиндеги № 167 токтому менен төмөнкүлөр бекитилген:
Идентификациялык карта жөнүндө жобо - Кыргыз Республикасынын жаранынын паспорту, 2024-үлгү (ID-карта);
Кыргыз Республикасынын жаранынын жалпы паспорту жөнүндө жобо, 2023-үлгү;
документтерди кабыл алуунун, ID-картаны жана жарандык паспортту тариздөө, персонификациялоо, эсепке алуу, берүү жана жок кылуу тартиби жөнүндө нускама.
2017-жылдагы (ID-карта) жана 2020-жылдын үлгүсүндөгү паспорттор бланктар бүткөнгө чейин берилет. Андан соң жарандарга 2024 жана 2023-жылкы үлгүдөгү паспорттор бериле баштайт.
Санариптик өнүктүрүү министрлигине караштуу «Инфоком» мамлекеттик ишканасына Кыргыз Республикасынын жарандарынын 2024 жана 2023 үлгүсүндөгү паспортторун персоналдаштыруу ыйгарым укугу берилген.
Токтом расмий жарыяланган күндөн он күн өткөндөн кийин күчүнө кирет.
Эске сала кетсек, буга чейин санариптик өнүктүрүү министрлиги Кыргызстан жаңы желектүү паспортторду май айынан баштап бериле башташы мүмкүн экенин билдирген.
Сүрөт: www