Кыргызстандык Жеңишбек Мамбетов универсалдуу күрөш боюнча Азия чемпионатында алтын медаль тагынды
Ал эми Азат Иманкулов коло медаль алды
15-20-май күндөрү Фергана шаарында универсалдуу күрөш (UNIFIGHT) боюнча Азия чемпионаты өттү. Мелдеште жыйырмадан ашык өлкөнүн мушкерлери күч сынашты.
77 килограмм салмак ченинде күч сынашкан кыргызстандык спортчу Жеңишбек Мамбетов алтын медаль тагынды. Ал эми Азат Иманкулов коло медаль алды. Бул тууралуу Vesti.kg сайтына спортчунун машыктыруучулар штабы билдирди. Машыктыруучулардын штабы келерки жылдары дагы кыргызстандык мушкерлер ушундай ийгиликтерге жетишет деген үмүттө.
Тренердик штабдын сүрөтү
Бизди Телеграм каналыбыздан окуңуз