Депутаттарга «Учкун» ААКда даярдалган жаңы паспорттор көрсөтүлдү
Жаңы паспорттор 1-июндан тарта бериле баштайт
Кыргызстанда 1-июндан тарта “Учкун” ААКда даярдалган паспорттор бериле баштайт. Бул тууралуу бүгүн Жогорку Кеңештин Транспорт, коммуникациялар, архитектура жана курулуш боюнча комитетинин жыйынында санариптик өнүктүрүү министринин орун басары Замирбек Кожомуратов билдирди.
Анын айтымында, бул ата мекендик өндүрүштөгү паспорттордун биринчи партиясы даярдалды.
«Биздин «Учкун» басмаканасында чыгарылган паспорттор мурункуга караганда сапаты жагынан бир топ жакшыраак», - деди Кожомуратов.
Ал ошондой эле депутаттарга жаңы паспортторду көрсөттү.
Сүрөт: www
Бизди Телеграм каналыбыздан окуңуз