Бишкек мэриясы Кытайдан жаңы атайын техникаларды алууну пландоодо

Муниципалитеттен билдиришкендей, вице-мэр Рамиз Алиев жетектеген мэриянын делегациясы Кытайда иш сапары менен жүрөт. Борбор калаанын мэриясынын адистери атайын жабдууларды алуу үчүн заводдорду кыдырып, сапаты кепилдиги бар ишканалар менен келишим түзүшөт. Бул ортомчусуз керектүү жабдууларды сатып алууга мүмкүндүк берет.

Белгиленгендей, 350дөн ашык көлөмдөгү заманбап атайын техникалар «Бишкекзеленстрой», «Тазалык», «Бишкекасфальтсервис» жана «Бишкексвет» муниципалдык ишканаларынын паркын толуктайт.

«Белгилей кетүүчү нерсе, бул атайын техника коммуналдык кызматтар үчүн зарыл, анткени акыркы жолу техника паркы 10 жылдан ашык убакыт мурун жаңыланган. Аны сатып алууга каражат Бишкек шаарынын мэриясынын бюджетинен бөлүнгөн», - деп кошумчалады мэрия.

Сүрөт мэриянын басма сөз кызматынан