Кыргызстандын энергетиктери кесиптик чеберчилик боюнча эл аралык сынакта жеңишке жетишти
Мелдешке алты мамлекет катышты
Кыргызстандын энергетиктери “2024-жылдын эң мыкты бөлүштүрүүчү тармактар командасы” наамы үчүн түрк элдеринин бөлүштүрүүчү тармактарынын электриктеринин командаларынын эл аралык мелдешинде биринчи орунду ээледи.
КР Энергетика министрлигинин маалыматы боюнча, мелдеш 4-июндан 6-июнга чейин Тетюши шаарында (Татарстан) өттү. Аларга Түркия, Казакстан, Өзбекстан, Азербайжан, Татарстан жана Кыргызстандын энергетиктери катышты.
Кыргызстандын энергетикалык компаниялары “2024-жылдын эң мыкты бөлүштүрүү тармагынын командасы” наамын жеңип алышты.
Жыл сайын өтүүчү эл аралык сынактардын максаты - тажрыйба алмашуу, профессионалдык байланыштарды чыңдоо жана бөлүштүрүүчү тармактарга тейлөөнү жакшыртуу.
Белгиленгендей, түрк элдеринин электриктеринин акыркы сынагы былтыр октябрь айында Азербайжанда өткөн.
Сүрөт Энергетика министрлигинин басма сөз кызматынан