Бишкекте 135-маршрутка каттамы токтойт
Анын ордуна автобус келет
Бишкекте 20-июндан тарта №135 маршрутка автобуска алмаштырылат. Бул тууралуу борбор калаанын мэриясынан билдиришти.
Анын айтымында, бүгүнтөн тарта №135 автобус каттай баштайт, аны «Эко жүргүнчүлөрдү ташуу» ЖЧКсы тейлейт.
«Буга чейин №135 маршруттук кичи автобустарды акыркы тендерлердин жыйынтыгы менен түзүлгөн келишимдин негизинде «Трансгрупп Коммуникэйшн» ЖЧКсы тейлеп келген. №135 маршруттук кичиавтобусту тейлөөдө жогоруда аталган ЖЧК тарабынан иш графигинде каралган автотранспорт каражаттарынын керектүү санын камсыз кылууда жана транспорт каражаттарынын жайгашкан жерин аныктоо үчүн спутниктик түзүлүштөрдү орнотууда бузуулар байкалган, алар уюштуруу эрежелерине ылайык Бишкек шаарында автомобиль транспорту менен жүргүнчүлөрдү ташуу ташуучулар тарабынан милдеттүү түрдө аткарылууга тийиш болчу. Ошентип, жогоруда айтылгандардын негизинде, ошондой эле жогоруда көрсөтүлгөн келишимдин мөөнөтү аяктагандыгына байланыштуу №135-маршруттук каттамды тейлөө боюнча жогоруда аталган ЖЧК менен болгон иш мамиле токтотулду», - деп айтылат маалыматта.
Сүрөт: www