Бишкектин борборунда митинг өткөрүүгө салынган тыюу кайрадан узартылды
Маалыматта тыюу 2024-жылдын 1-июлунан 30-сентябрына чейин киргизилгени айтылат
Буга чейин борбор калаада митинг өткөрүүгө коюлган чектөө 1-июлга чейин узартылган болчу.
Бишкектин борборунда митинг өткөрүүгө салынган тыюу кайрадан узартылганын Биринчи май райондук администрациясы кабарлады.
Маалыматта тыюу 2024-жылдын 1-июлунан 30-сентябрына чейин киргизилгени айтылат.
Митингге чыгууга болбой турган жайлар:
"Ала-Тоо" аянты;
Эркиндик проспекти. Темир жолдон Чүй проспектине чейин;
Президенттик администрациянын жана ЖК имаратынын жанында;
Панфилов паркында;
Таттыбүбү Турсунбаева атындагы скверде;
Жогорку соттун алдында;
Россиянын Кыргызстандагы элчилигинин алдында;
УКМК жана ИИМ имараттарынын жанында.
Ар кандай акцияларды Горький паркында өткөрүүгө уруксат берилет.