Жол оңдоо: Бишкекте 13 автобустун кыймылы убактылуу өзгөртүлдү
Бүгүн, 16-июлда Юнусалиев көчөсүнүн Сухэ-Батор көчөсүнөн Сүйөркулов көчөсүнө чейинки бөлүгү унаа кыймылы үчүн жабылат
Бишкек шаарында жолдорду капиталдык оңдоо иштери жүрүп жатат.
Муниципалитеттен билдиришкендей, бүгүн, 16-июлда Юнусалиев көчөсүнүн Сухэ-Батор көчөсүнөн Сүйөркулов көчөсүнө чейинки бөлүгү унаа кыймылы үчүн жабылат.
Ал эми кечээ,15-июлда Байтик баатыр/Абдрахманов көчөсү Кулатов көчөсүнөн Бөкөнбаев көчөсүнө чейинки бөлүгү унаа кыймылы үчүн ачылды.
Буга байланыштуу №42, 166, 226, 222, 216, 212, 195, 105, 152, 49, 52, 169 жана 145 автобус каттамдарынын кыймыл схемалары убактылуу өзгөртүлдү.
Бизди Телеграм каналыбыздан окуңуз