Бишкекте төрт троллейбус автобустук каттамдарга алмашты

Бишкек шаарында төрт троллейбус каттамы автобустук каттамдарга алмаштырылды. Бул тууралуу бүгүн, 25-ноябрда мэрия кабарлады.

Маалыматка ылайык, бүгүндөн тарта №4, №5, №8 жана №10 автобустар троллейбустун каттамы менен жүрөт.

"Троллейбус каттамдарын алмаштырууга жаңы автобус линиялары ишке киргизилет. Автобустар келген учурда №14 жана №17 троллейбус каттамдары калыбына келтирилет. Троллейбустардын ордуна эл аралык стандарттарга жооп берген заманбап электробустар жарандарды тейлейт", - деп билдирди мэрия.