Россияда мыйзамсыз жүргөн мекендештерге жакшы жаңылык
Россия Федерациясындагы жүргөн кыргызстандыктардын эсине
Кыргыз Республикасынын Эмгек, социалдык камсыздоо жана миграция министрлигинин Россия Федерациясындагы Өкүлчүлүгү, Россияда мыйзамсыз жүргөн чет өлкөлүк жарандарга, анын ичинде кыргызстандыктарга өздөрүнүн жүрүүсүн мыйзамдаштырууга мүмкүнчүлүк берилгенин эскертет.
Россиянын Президентинин 2024-жылдын 30-декабрдагы №1126 Жарлыгына ылайык Россияда мыйзамсыз жүргөн чет өлкөлүк жарандар 2025-жылдын 1-январынан 30-апрелине чейинки мезгилде Россиядан өз алдынча чыгып кетүүгө же чыкпай эле өзүнүн укуктук абалын жөнгө салууга милдеттүү.
Россияда жүргөн жарандар өздөрүн РФнин ИИМнин расмий сайтынан mvd.ru мыйзамсыз жүргөн жарандардын тизмесинен текшерип, эгерде өздөрүн тизмеден тапса, анда алар:
- Россиянын ИИМнин аймактык бөлүмдөрүнөн, ал эми Москвада Көп функционалдуу миграциялык борборунан (ММЦ Сахорово) манжалардын издерин тапшыруу, сүрөткө тартуу процедураларынан, ошондой эле медициналык кароодон өтүүсү керек (эгерде өтпөгөн болсо);
- Милдеттүү төлөмдөрдү төлөө керек (эгерде бар болсо). Карыздарды Россиянын Федералдык сот приставдар кызматынын расмий сайтынан текшерсе болот fssp.gov.ru
- Жогорудагы процедуралардан өткөн соң, Россия Федерациясынын ИИМнин миграция маселелери боюнча аймактык бөлүмдөрүнө: паспорт, жумуш берүүчү тарабынан берилген эмгек/жарандык-укуктук келишимдин күбөлөндүрүлгөн көчүрмөсүн жана медициналык кароо, манжа изин тапшыруу, сүрөткө тартуу процедураларынан өткөндүгү жөнүндө документтерди тиркеп, тиешелүү арыз менен кайрылуусу керек.
Арыз менен кайрылган учурда жарандарга административдик штраф белгиленет, бирок “кара тизмеге” киргизилбейт жана аларга карата административдик чыгаруу чечимдери кабыл алынбайт!
Россия Федерациясында жүргөн жарандардын банк картасына бөгөт коюлган болсо, анда жогорудагы процедураларды өткөн соң, Россия Федерациясынын Ички иштер министрлигинин mvd.ru (мвд.рф) расмий сайтынан көзөмөлдөөчү реестрдеги жарандардын тизмесинен чыгарылгандан кийин, тейлеген банктын тиркемесиндеги чат аркылуу же жеринен картаңызга коюлган бөгөттү алып салуу жөнүндө арыз менен кайрылсаңыз болот.
Эскертүү! Россиянын аймагында мыйзамсыз жүргөндөр аталган Жарлыкка ылайык 2025-жылдын 30-апрелине чейин Россиядан өз алдынча чыгып кетпей, бирок өзүнүн укуктук абалын жөнгө салуу боюнча милдеттерди аткарбаса көзөмөлгө алынган адамдардын Реестрине киргизилет жана аларга карата төмөнкү чектөө чаралары колдонулат:
- юридикалык жактарды жана жеке ишкерлерди мамлекеттик каттоого тыюу салуу;
- кыймылсыз мүлктү, транспорт каражаттарын сатып алуу/сатуу, транспорт каражаттарын башкаруу укугунан пайдалануу;
- Россияда жашаган жерин же турган жерин өзгөртүүгө тыюу салуу;
- никеге туруу;
- банктык эсеп ачуу жана башка банктык операцияларды жүргүзүү, милдеттүү төлөмдөрдү төлөө максатында акча каражаттарын которууларды, ошондой эле контролдонуучу адамдын эсебине акча каражаттарын которууну жана контролдонуучу адамга айына 30 миң рублдан ашпаган суммадагы акча каражаттарын берүү.
Реестрге кирген чет өлкөлүк жарандар Россиянын ИИМинин кызматкерине келүү жөнүндө буйрук берилгенде (жөнөтүлгөн) белгиленген мөөнөттө келүүгө, ошондой эле талаптарды өз убагында аткарууга, белгиленген тыюу салууларды жана чектөөлөрдү сактоого милдеттүү болот.
Белгиленген милдеттерди бир нече жолу (эки же андан көп жолу) аткарбаган учурда контролдонуучу адамга карата депортациялоо жөнүндө жана атайын мекемеге жайгаштыруу жөнүндө чечимдер колдонулат.
Бардык суроолор боюнча Кыргыз Республикасынын Эмгек, социалдык камсыздоо жана миграция министрлигинин Россия Федерациясындагы Өкүлчүлүгүнө төмөнкү дарек боюнча кайрылуу керек: Москва ш., Малая Полянка көч., 7-үй, корп. 5, (метро Полянка). тел. +7 996 968 98 97 (күнү-түнү иштейт); +7 925 030 26 27 (дүйшөмбү-жума 9.00-18.00 МСК).
Кыргыз Республикасынын Эмгек, социалдык камсыздоо жана миграция министрлигинин Россия Федерациясындагы Өкүлчүлүгүнун жетекчисинин орун басары – М. Мамбетова –