Бишкектеги мектептин директорун паракорлук боюнча айыптап, кызматтан бошотушту
№95 гимназиянын окуучуларынын ата энелери директордун артынан калган мугалимдер да иштен бошоп кетебиз деп жатышкандыктарын билдиришти. Билим берүү Министрлигиндегилер кырдаалды түшүндүрүштү
Бишкектин №95 мектеп-гимназиясынын директору Анара Акмашаева кызматтан бошогондугуна байланыштуу, анын артынан калган окутуучулардын курамы да кетебиз деп жатышат. Бул тууралуу Vesti.kg сайтына окуучулардын ата энелери билдиришти.
- Окуу жылы башталбай жатып ушундай кырдаал түзүлдү. Бардык мугалимдер аны менен бирге кетебиз деп жатышат, - дешет ата энелер.
Vesti.kg сайты мэриянын билим берүү Башкармалыгынын начальнигинин орун басары Наталья Никифорова менен байланышканда, аталган мектептин окутуучулары өз ордунда иштеп жатышкандыгын айтты.
- Ротация жүргүзүлдү, - деп түшүндүрдү Наталья Васильевна. - Анара Ратбековна башка мектепке которулду. Бардык мугалимдер өз ордунда иштеп жатышат. Билим берүү Башкармасынын начальниги ошол жерде азыр. Ата энелер менен маектешүү жүрүп жатат.
Эске салсак, №95 мектеп-гимназиянын директору Анара Акмашаева мекемедеги акча чогултуу жаңжалына аралашкан эле. Окуучулардын ата энелери Vesti.kg сайтына Акмашаеванын биринчи класстын окуучусу үчүн 300 доллар сурагандыгын айтышкан болчу.
Зулайка Эркимбаева
Сүрөт www