Бишкектеги жаңы паркка 100 дарак олтургузулду (фото)
Акция #паркжашооүчүн коммерциялык компаниялар сыяктуу эле жөнөкөй шаардыктардан да колдоо тапты
Түштүк магистралдагы жаңы паркты 100 дарак кооздоп баштады, алардын ичинде 31- батыш платаны, 25-жүрөк жалбырактуу липа, 19-ыйлаак ак кайың, 20-globosum клену, 5-ат каштаны.
«Бишкекжашылчарбанын» маалымат катчысы Аида Айдаралиева Vesti.kg сайтына айткандай, үй-бүлөлүк дарактарды жалгыз гана коммерциялык компаниялар олтургузбастан, шаардыктар да маанилүү даталарга байланыштырып олтургузушууда.
- Бир кыз өзүнүн туулган күнүнүн урматына дарак олтургузду, - дейт Айдаралиева. - Эки үй-бүлөдө балдары биринчи класска барышып, ал дагы эсте калчу күн болуп калды. Ошондой эле үйлөнүшкөндүгүнүн юбилейлик жылына карата дарактарды олтургузушууда.
Айдаралиеванын айтымында, бүгүн дагы 5 дарак олтургузулуат.
Эске салабыз, жаңы парк расмий түрдө ушул жылдын 30-августунда ачылган. Дарактарды олтургузуу 1-сентябрдан башталган.
Мурдараак, Бишкек мэриясы шаардыктарды өздөрүнүн үй-бүлөлүк дарактарын олтургузуу үчүн #паркжашооүчүн акциясын баштаган.
Зулайка Эркимбаева
Фото www