Өзгөчө абал узартылды. Өткөрмө кагаздар эмне болот?
Блокпосттор аркылуу өтүүгө уруксат ала элек жарандар онлайн-режимде билдирүү толтура алышарын билдирди
Кыргызстанда өзгөчө абал 2020-жылдын 30-апрелине чейин узартылды.
Буга байланыштуу Бишкек комендатурасы буга чейин берилген өткөрмө кагаздардын мөөнөтү өзгөчө абалдын аягына чейин автоматтык түрдө узартыларын маалымдайт.
Уруксат кагазга муктаж адамдар мурдагыдай эле 1312.tunduk.kg порталында онлайн-билдирүү бере алышары белгиленди.
Эске салсак, президент Сооронбай Жээнбеков бүгүн Бишкек шаарынын, Ош шаарынын, Ош облусунун Ноокат жана Кара-Суу райондорунун, Жалал-Абад шаарынын жана Жалал-Абад облусунун, Сузак районунун аймактарында өзгөчө абалды 2020-жылдын 30-апрелине чейин узартуу боюнча жарлыкка кол койгон.
Манас Кольбаев
Фото www
Бизди Телеграм каналыбыздан окуңуз