Бишкектин вице-мэри: 14-майдан бери кафе, дүкөн жана ресторандарга миллион сом айып пул салынды
Азизбек Алымкулов ишкерлерди санитардык эрежелерди сактоого чакырды
Бишкекте 14-майдан баштап ушул күнгө чейин кафе, дүкөн жана ресторан түрүндөгү ишкердик субъектилерине миллион сом өлчөмүндө айып пул салынды. Бул тууралуу брифингде борбор калаанын вице-мэри Азизбек Алымкулов билдирди.
Анын айтымында Бишкектин мэри Азиз Суракматов райондук администрациялардын башчыларына базар, соода түйүндөрү жана коомдук транспорттору боюнча күнүмдүк рейддерди жүргүзп турууну тапшырган.
Жалпысынан мобилдик топтор тарабынан 14-майдан бери 4528 объект текшерилген, - деди Алымкулов - Бир миллион сомго жакын акчага 447 протокол түзүлгөн. Мэрия ишкерлерге айып пул салууну эмес, башкысы коронавирустук инфекциянын жайылышынын алдын алууну көздөйт.
Эльдос Казыбеков
Фото www