Коронавирустан өлкөдө дагы эки адам көз жумду
Өткөн суткада СOVID-19 дагы 37 адамдан аныкталды
Акыкыркы суткада Кыргызстанда коронавирус дагы 37 адамдан аныкталды. Бул тууралуу бүгүнкү брифингдин жүрүшүндө саламаттыкты сактоо министринин орун басары Нурболот Үсөнбаев маалымдады.
- Бишкекте -14, Чүй облусунда -7, Нарын облусунда -6, Ысык-Көл облусунда -3, Ош шаарында - 1, Ош облусунда -5, Баткен облусунда 1, - деп билдирди ал.
Үсөнбаев жаңы катталган 37 учурдун 17си сырттан келгендерден аныкталганын белгиледи.
- 8 бейтап ооруну кайдан жуктурганы белгисиз, - деди министрдин орун басары.
Мындан сырткары, өткөн суткада коронавирустан эки адам көз жумду.
- Бирөөсү Бишкек шаарынын 1938-жылы туулган тургуну, аял киши, - деди ал. - Ал кант диабети, гипертония, ошондой эле жүрөк оорусунан жабыркап келген. Улгайган аял «Автомаш-Радиатор» ишканасында иштеп, коронавируска чалдыккан кызынан илдетти жуктуруп алган. Экинчи бейтап Ош шаарынан, ал дагы аял киши, лейкоздон дарыланып жаткан ооруканадан коронавирусту жуктуруп алган.
Зулайка Эркимбаева
Фото www