Кубатбек Боронов ЕАБнин Өкмөттөр аралык кеңешинин кезектеги жыйынына катышуу үчүн Минск шаарына учуп кетти
Кеңештин алкагында Өкмөт башчынын бир нече жолугушууларды өткөрүүсү күтүлүүдө
Кыргыз Республикасынын Премьер-министри Кубатбек Боронов Евразия экономикалык бирлигинин Өкмөттөр аралык кеңешинин кезектеги жыйынына катышуу үчүн Минск шаарына (Беларусь Республикасы) учуп кетти.
Жыйындын күн тартибинде соода, өнөр жай, экономика, финансы саясаты жана агрардык өнөр жай комплекси тармактарында өз ара иштешүү маселелери бар.
Ошондой эле тараптардын ЕАЭБдин жалпы газ рыногун түзүү, бирликтин финансы рыногунун концепциясын иштеп чыгуу жана башка бир катар темаларды талкуулоосу пландалган.
Кеңештин алкагында Өкмөт башчынын бир нече жолугушууларды өткөрүүсү күтүлүүдө.
КРнын өкмөтүнүн маалыматтык камсыздоо бөлүмү
Фото www
Бизди Телеграм каналыбыздан окуңуз