Menu
RSS

Биз социалдык тармактардабыз:

TwitterFacebookYoutubeInstagramTelegram

ЖОЖ жана колледждерде окуу жылы онлайн форматта башталат

  • жолу 178 кароо

Мындай чечим коронавирустун жуктуруп алуу коркунучун азайтуу максатында кабыл алынды

Кыргызстандагы жогорку жана орто окуу жайларда жаңы окуу жылы аралыктан билим берүү технологияларын колдонуу менен онлайн форматта башталат.

Билим берүү жана илим министрлиги Кыргызстандагы эпидемиологиялык кырдаалды эске алуу менен, коронавирус инфекциясынын жайылышынын тобокелдиктерин азайтуу максатында жогорку жана орто кесиптик окуу жайларда (менчигинин түрүнө карабай) аралыктан билим берүү технологияларын колдонуу менен окуу жылы онлайн режимде башталышы тууралуу чечим чыгарды.

Окуу процесси автоматташтырылган маалыматтык системасы, ZOOM, Google classroom, MOODLE, Academic Affairs маалыматтык системалары, ошондой эле Whatsapp, Skype, электрондук почтанын, өздүк электрондук китепканаларынын ресурстарын, Кирлибнет электрондук китепканасынын ресурстарын колдонуу менен онлайн форматта уюштурулат.

Окуу жайлар дисциплиналардын окуу-методикалык комплекстерине ылайык, студенттердин өз алдынча ишинин планын иштеп чыгат. Ошондой эле аралыктан окутуу формасына керектүү санариптик окуу материалдары менен камсыздайт, өздүк маалыматтык билим берүү ресурстарын жакшыртат жана сабактарды дистанттык форматта уюштуруу үчүн зарыл болгон материалдык-техникалык базаны жаңылоо боюнча чараларды көрүшөт.

Азыркы учурда ЖОЖ жана колледждердин окутуучулары үчүн методикалык жана техникалык колдоо уюштурулду.

Министрлик алдында түзүлгөн Консультативдик кеңеш тарабынан адам ресурстарын, билим берүү чөйрөсүн, санариптик инфраструктураны, методикалык базаны жана онлайн форматтагы окуу процессин баалоо ыкмалары боюнча системалык сунуштамалар иштелип чыкты.

Министрлик 17-августтан онлайн окутууга даярдык боюнча сунуштамаларды вебинар аркылуу ЖОЖ жана колледждердин өкүлдөрүнө тааныштырат.

Билим берүү жана илим министрлигинин басма сөз кызматы

Фото www

 

Бизди Телеграм каналыбыздан окуңуз
Ой-пикир кошуңуз


Наверх