Блогер Элмир Сыдыманов акталып чыкты
Ал аймактар аралык кастыкты козуткан деп айыпталган
Аймактар аралык кастыкты козуткан деп айыпталган блогер Элмир Сыдыманов акталды. Бул тууралуу Vesti.kg сайтына өзү билдирди.
"Бүгүн Бишкек шаарынын Октябрь райондук соту мени актады", - деп түшүндүрдү Сыдыманов.
Буга чейин, 10-мартта, отурумдун жүрүшүндө прокурор айыпты алып салган.
Эске салсак, Инстаграмда Сыдыман деген ат менен белгилүү Элмир Сыдыманов 2020-жылдын 17-февралында аймактар аралык кастыкты козуткан деген шек менен кармалган.
Блоггерге карата СИЗО-1де эки ай камакта кармоо түрүндө алдын-алуу чарасы тандалды. Кийинчерээк адвокаттар райондук соттун чечимин талашып, Сыдыманов үй камагына чыгарылды.
Vesti.kg сайты буга чейин блогер менен болгон маегин жарыялаган, анда ал ИВСте өткөн күндөр жөнүндө айткан.
Максат Асанов
Фото www