Ошто 19 адамды кутурган ит тиштеп алган, анын 15и жаш балдар

Ошто кутурган ит 19 адамды тиштеп алган, анын 15и жаш балдар. Бул тууралуу Vesti.kg сайтына Ош шаары жана Ош облусу боюнча мамлекеттик санитардык-эпидемиологиялык көзөмөлдөө борборунан билдиришти.

- 31-майга караган түнү бизге телефон чалып, белгисиз иттин кол салуусунан жапа чеккен көп сандаган адамдарга кандай мамиле жасалып жатканы тууралуу маалымат алдык, - дешти медициналык мекемеде. «Ош облустар аралык бириккен клиникалык ооруканасынын кутурмага каршы күрөшүү бөлүмүнө жана травматология бөлүмүнө тиштеген адамдар кайрылышкан. Ошол эле маалда социалдык тармактарга Туштук-Чыгыш, Төлөйкөн, Туштук-Батыш кичи райондорунун жашоочуларынан кол салуулар тууралуу маалыматтар чыга баштады. Биз дароо маалыматты текшерүү үчүн чалдык.

Элге кол салган ит Төлөйкөн айыл өкмөтүндөгү ипподромдон атылганын санэпидкөзөмөл кызматы билдирди.

«Атылган ит экспертизага жөнөтүлүп, анын кутурма оорусу бар экени тастыкталды», — деп билдирди санитардык-эпидемиологиялык кызмат. - Бүгүнкү күндө бизге кол салуудан 19 жабырлануучу кайрылды, алардын 15и балдар жана 4ү чоңдор. Баарын медициналык адистер текшерип чыгышты. Оор абалда болбогондуктан, жабыркагандар эмдөөдөн өтүп, үйлөрүнө жөнөтүлгөн. Алар дайыма дарыгерлердин көзөмөлүндө.

Михаил Готфрид
Сүрөт www