Нарын облусунда эркек киши үйүнүн жанына чогулган элге ок чыгарган

Нарын районунун Хутор-Ак-Талаа айылында ок атуучу курал колдонуу менен баш аламандык болду. Окуянын чоо-жайын Vesti.kg сайтына Нарын облусунун ички иштер башкармалыгынын басма сөз кызматы билдирди.

-Бир күн мурун Нарын РИИБнин нөөмөт бөлүмүнө Нарын районунун Хутор-Ак-Талаа айылында тополоң болуп жаткандыгы тууралуу маалымат түшкөн, деп билдирди милициядан. «Эл чогулуп, атышуулар болуп жатканы тууралуу маалымат түшкөн. Окуя болгон жерге ыкчам-тергөө тобу жөнөтүлгөн. Анда Хутор-Ак-Талаа айылынын тургунунун үйүнө болжол менен 30-40 адамдан турган жаштар тобу келгени аныкталган. Алар анын үйүнүн терезе-эшиктерин таш менен талкалап, «Субару-Аутбек» ​​үлгүсүндөгү унаасын өрттөп салышкан. Үй ээси жооп иретинде сактаган ок атуучу куралын колдонуп, чогулгандарга ок чыгарган. Натыйжада алты адам ар кандай жаракаттарды алып, Нарын облустук ооруканасына жеткирилген. Алардын үчөөнө операция жасалып, калгандарына алгачкы медициналык жардам көрсөтүлгөн. Алдын ала маалымат боюнча, чыр жер талаштан улам чыккан. Учурда кылмышка шектүүлөрдү аныктоо жана кармоо боюнча ыкчам-иликтөө иш-чаралары жүргүзүлүүдө. Нарын облусунун ички иштер башкармалыгынын өздүк курамы Хутор-Ак-Талаада тартипти орнотуу боюнча иш-чараларды жүргүзүүдө.

Михаил Готфрид
Сүрөт www