Камчыбек Ташиевдин жол тандабас унаасына жолдо бара жаткан мотороллер урунган. Жабыркагандар жок
УКМКнын маалыматы боюнча, скутердин айдоочусу жеңил жаракат алган жана эч кандай дооматы жок
УКМК төрагасы Камчыбек Ташиевге тиешелүү Land Cruiser 300 үлгүсүндөгү кызматтык унаанын катышуусундагы жол кырсыгы боюнча түшүндүрмө берди.
Окуянын чоо-жайын тактоо учурунда "Ланд Крузер 300" үлгүсүндөгү унаанын айдоочусу "Манас" аэропортуна сапарга чыгып, Бишкекке кайтып келе жатканы белгилүү болду. “Манас” аэропортунан Бишкекке бара жаткан трассада Land Cruiser 300 үлгүсүндөгү унаага Бишкек шаарынын тургунунун скутери урунган.
Окуянын катышуучулары бул кичинекей жол кырсыгын тынчтык жолу менен чечишти.
Жабыркагандар болгон жок. Медициналык экспертизанын корутундусуна ылайык, скутердин айдоочусунун абалы канааттандырарлык, бир аз гана көк ала тактар бар. Ошол эле учурда скутердин айдоочусу өзү буга чейин социалдык тармакта Land Cruiser 300 үлгүсүндөгү унаанын айдоочусуна дооматы жок экенин билдирген.
УКМК басма сөз борбору
Сүрөт www