Бишкекте соода борборлорунан кийим-кече уурдаган топ кармалды (фото)

Бишкекте соода борборлорунан кийим-кече уурдаган топ кармалды. Бул тууралуу Vesti.kg сайтына Ленин райондук ички иштер башкармалыгынын басма сөз кызматы билдирди.

- Кармалгандар соода борборлорунун бутиктеринен кымбат баалуу кийимдерди уурдоо боюнча кеминде үч жолу шектелип жатышат, - деп билдиришти милициядан. - Акыркысы 20-октябрда борбор калаанын Чыңгыз Айтматов проспектисинин боюнда жайгашкан соода борборунда саат 20.00дө болгон. Психологиялык ыкмаларды колдонуп, кармалгандар сатуучуну алаксытып, баасы 46 миң сомдон ашык спорттук костюмун уурдап кетишкен. Учурда алар кармалып, тергөө кызматына өткөрүлүп берилди. Алардын ушул сыяктуу башка кылмыштарга катыштыгы бар экени аныкталды.

Эгерде жарандар шектүүлөрдүн аракеттеринен жапа чеккен болсо, төмөнкү телефондор аркылуу билдирсе болот: 0 (312) 352-947, 0 (312) 654-494, 0 (502) 102-149, 0 (555) 102-149, 0 (779) ) 043-407 жана 102.

Михаил Готфрид
Сүрөт www