УКМК укук коргоо жана көзөмөлдөө органдарынын жетекчилерине кызматтык милдеттерине шалаакы мамиле жасагандыгы үчүн жоопкерчиликти эскертет
Атайын кызмат уюшкан кылмыштуу топторду жаап-жашырган милиция кызматкерлеринин бир катар камакка алынышы боюнча комментарий берди
Уюшкан кылмыштуу топторго тиешеси бар адамдарды, ошондой эле ички иштер органдарынын кызматкерлерин УКМКнын органдары тарабынан жүргүзүлгөн кармоолор облустук башкармалыктардын айрым кызмат адамдары тарабынан кызмат абалынан кыянаттык менен пайдалануу, аракетсиздик жана кылмыштарды жашыруу фактылары жөнүндө күбөлөндүрөт. Өз кезегинде укук коргоо органдарынын кызматкерлери жана прокурорлор жүктөлгөн милдеттерге ылайык мыйзамдуулукту жана биримдикти камсыз кылуу жана мыйзамдуулукту чыңдоо, инсандын жана коомдун мыйзамдуу таламдарын коргоо, ошондой эле кылмыштуулукка каршы күрөшүү боюнча түзүлгөн органдар болуп саналат. .
Бул жагдайлар мамлекеттик бийликтин аброюна терс таасирин тийгизип, ошондой эле өлкөнүн жетекчилигине элдин ишенимин кетирип, мыйзамдуулукту жана укук тартибин чыңдоо аракеттерин жокко чыгарууда.
Мамлекеттик бийлик органдарына инсанга, мүлккө жана коррупцияга каршы кылмыштар тууралуу билдирген жарандардын кайрылууларына жергиликтүү бийлик органдарынын кызмат адамдарынын аракетсиздиги жана шалаакылыгы кылмышкерлерге жардам берүү катары бааланып, андан келип чыккан бардык тыянактарды жана кесепеттерди эскертет.
УКМК ошондой эле кылмыш курамынын жана башкалардын өзүм билемдигинин курмандыгы болуп калган жарандар укук коргоо органдарынын аракетсиздигинен улам тиешелүү жазуу жүзүндөгү арыз менен кайрылса же КР МУКК 0312 660475 ишеним телефону аркылуу кайрылса болорун эскертет.
УКМКнын басма сөз кызматы
сүрөт www