Бишкекте ИИМдин Академиясынын курсанттарын сүзүп кеткен айдоочуну эмне үчүн үй камагына чыгарганын судья түшүндүрдү

Бишкекте ИИМдин Академиясынын 24 жаштагы курсантын өлтүргөн айдоочу ооруп жатканына карабай кылмыш жоопкерчилигинен кутула албайт. Бул тууралуу Свердлов райондук сотунун тергөө судьясы Айзада Исаева маалымат жыйынында билдирди.

Анын айтымында, сот айыпталуучуну СИЗОго калтыра алган жок, анткени анын өнөкөт бөйрөк оорусу бар.

«Бирок, мен тактап айткым келет, бөгөт коюу чарасы тергөө амалдарынын мөөнөтү үчүн гана тандалат, бул жаза эмес», - деп түшүндүрдү Фемиданын кызматчысы. - Соттун мындай чечими ал жоопкерчиликтен качты же качат дегенди билдирбейт.

Ал ортодо маркум кыздын бир тууган агасы Исаевадан айыпталуучу чындап эле тынымсыз гемодиализге муктажбы деп сурады, анткени алардын айтымында, ал киши бир нече жыл мурун бөйрөгүн алмаштырган.

«Бизде 2012-жылдан баштап иш материалдарында медициналык маалымкаттар бар болчу», - деди ал. Ооба, чындап эле 2016-жылы бөйрөгүн алмаштырган. Ошондон кийин соо деп эсептесе болобу деп сурадык, бирок медициналык документтерге караганда, андан диагноз алынып салынган жок. Ошондой эле ден соолугуна байланыштуу жараксыз деп табылганына байланыштуу милиция кызматынан кеткен.

Эске салсак, 9-январь күнү эртең менен белгисиз айдоочу ИИМ Академиясынын 24 жаштагы курсантын Республика көчөсүнөн Жибек-Жолу көчөсүнөн өтүп бара жатканда сүзүп, андан соң окуя болгон жерден качып кеткен. Кыз тез жардам келгенге чейин окуя болгон жерде каза болгон. Кийинчерээк милиция айдоочунун өздүгүн аныктап, кармаган. Борбор калаанын Свердлов райондук сотунун чечими менен адам өнөкөт бөйрөк оорусунан улам үй камагына чыгарылган.

Сүрөт www