Бишкектеги жеке стоматологиялык клиникада 3 жаштагы кыз каза болду
Милиция, Саламаттыкты сактоо министрлиги окуя боюнча текшерүү жүргүзүүдө
Бишкектеги стоматологиялык клиникада 3 жаштагы кыз каза болду. Маалыматты КР Саламаттык сактоо министрлиги тастыктады.
Мекемеден билдиришкендей, стоматологиялык клиникада баланын өлүмүнө байланыштуу министрдин кеңешчиси жетектеген комиссия түзүлдү. Бул иш КР саламаттыкты сактоо министри Алымкадыр Бейшеналиевдин жеке көзөмөлүндө.
Окуянын чоо-жайы такталганга чейин бул клиниканын ишмердүүлүгү токтотулганы белгиленген.
Учурда укук коргоо органдары иликтөө иштерин жүргүзүп, соттук-медициналык экспертиза дайындалды.
Фото www
Бизди Телеграм каналыбыздан окуңуз